كيف تكتب سيرة ذاتية بشكل احترافي


 السيرة الذاتية هي بوابتك للتوظيف أو للمنحة ... بدك خلال أقل من
.دقيقة تلفت نظر الموظف المسؤول عن القبولات وتخليه يهتم بأوراقك 

أهم النقاط بكتابة السيرة الذاتية : 

1- أهم شي إنه سيفيتك صفحتين فقط ,لا أكثر ولا أقل 
 ما بظن أي حدن منا عنده الخبرة الي تستوجب عدد صفحات أكتر .. الوحيد الي فرجاني سيفيته وكانت 3 صفحات هوي دكتور بجامعتي بالهندسة الفيزيائية ,عنده خبرة تدريس و بحث علمي 10 سنين و إنجازه لا يقل عن 20 مقالة علمية , إذا كنت متله فطبعا فيك تعمل cv بعدد 3 صفحات 

2- بتبدأ بالمعلومات الشخصية Personal information عنك : اسمك , تاريخ ميلادك , جنسيتك , الوضع العائلي و إذا في عندك أطفال , عنوانك الحالي , إيميلك و تلفونك 
بقية الأقسام ممكن تختلف من شخص لشخص بس غالبا هي التالي 
- الدراسة Education : بتذكر فيه شهاداتك 
- الخبرة Employmentt : إذا عندك خبرة بشرركات خلال دراستك أو بعد الدراسة .. 
هون بدي ركز ع ملاحظة مهمة , ضروري تفصيل المهمات الي قمت فيها , حتى الصغيرة منها وخاصة في حال عم تقدم السيرة الذاتية لشركة 
- الأبحاث العلمية Practical trainingg : هون بتكتب إذا عملت بحث لفترةقصيرة خلال دراستك بأي معهد علمي مع شرح موجز بسطر أو سطرين عن بحثك العلمي مثل المشروع بالسنة الرابعة للهندسات و بتكتب كمان عن مشروع تخرجك بالجامعة ,اسم اطروحتك بالجامعة و شرح موجز عنها
- خبرتك التقنية عن الكمبيوتر وبعض البرامج الاحترافية  Technical & Computing Skills 
هون بتكتب عن خبراتك بكل البرامج و الأنظمة الحاسوبية 
 هون فيك تبالغ شوي بخبراتك بس موكتير .. يعني ما تكتب إنك بروفيشينال ببرنامج إنت بس قارئ عنه بجوجل ,.. شوية بهارات ضرورية بس ما كتير ,بتنتزع الطبخة :)
- الجوائز Awards : إذا ربحت أي جائزة أو منحة فبتفيدك كتير تذكرها 
- اللغات Languages : اللغات الي بتحكيها 
-الهوايات Hobbyss : اكتب هوايات عامة ...... ملاحظة جدا مهمة : لا تكتب هواياتك الخطيرة متل مثلا تسلق الجبال .. الشركات ما بتحب توظف موظف ممكن بأي سنة يوقع ويتكسر وتنبلى هيي فيه بتأمينه الصحي و بإجازاته الصحية .... نعم إنها الرأسمالية بأبهى صورها 
- المقالات العلمية Publicationn إذا ناشر مقالات علمية بمجلات عالمية باللغة الانكليزية لازم وضروري تضيفها ل CV حتى لو صارت 3 صفحات 

3- قسم الدراسة Education وقسم الخبرة الوظيفية Employment لازم تبدأ بأحدث معلوماتك يعني إنت حاليا شو عم تدرس و بعدين بتبلش تنازليا بالتاريخ وتذكر شهاداتك السابقة وخبرات العمل إذا متوفرة 
 ملاحظة مهمة : مالازم يكون بسيفيتك ولا فراغ بالسنوات يعني دائما لازم تفرجي الشركة أو الجامعة إنك مستمر بالانجاز

4- مراعاة التنسيق كتيررررر مهمة , يعني إذا اخترت تكتب بخط arial عريض بحجم خط 14 مثلا لأول عنوان .. لازم تكمل هيك ببقية العناوين بنفس نوعية الخط و نفس الحجم 
وكذلك الكتابة جوا العنوان بنفس الخط لكل ال CV 
 لازم يكون كل أول سطر بالش من نفس النقطة بالترتيب تماما ومن دون ولا حتى ميلي إزاحة وراعي المسافات بين سنوات الدراسة منشان ترتاح عين الموظف الي عم يقرأ طلبك لاتحط نقط بآخر أي سطر بال CV 

5- إذا كتبت مثلا درجة شهادتك هندسة بالالكترون و الاتصالات , جامعة دمشق ,دمشق , سوريا 
 اتبع نفس النمط لبقية الشهادات مثلا : ماستر بهندسة الاتصالات ,جامعة فريدريش شيلر يينا , ألمانيا 

6- كذلك راعي التاريخ : إذا استخدمت التاريخ بالشكل التالي : 08/2013 - 08/2011 
معاد مسموح بعد سطرين تكتب 08-2011 أو Aug. 20111 أو 08.2011 
خلص الي بتبلش فيه , كمل فيه 

هي أهم النقاط الي براسي عن كتابة السيفي .. ودائما خلوا أكتر من شخص يطلع عليه ويعطيكم ملاحظاته الدقيقة و اسألوه إذا انشد ليكمل ولا ضاع ولا مل